Një dokumentar i shkurtër për historinë dhe të ardhmen e Universitetit të Prishtinës, u shfaq në ceremoninë e festimit të 55 vjetorit të themelimit. Në dokumentar, duke folur për dëshirat dhe ëndrrat e popullsisë shqiptare të Kosovës për një universitet në gjuhën shqipe, rektori Arben Hajrullahu tha se para 57 vjetësh ky universitet ishte vetëm njëra nga kërkesat e demonstratave të vitit 1968. Universiteti i Prishtinës nisi punën dy vjet pas këtyre demonstratave me qëllimin që ta çojë përpara shoqërinë kosovare me anë të arsimimit dhe fitimit të dijeve.

Ju njoftojmë se është hapur afati për regjistrimin e semestrit për Semestrin Veror 2025. Të gjithë studentët duhet të kryejnë regjistrimin brenda afatit të përcaktuar dhe më pas të bëjnë përzgjedhjen e lëndëve përmes sistemit. Afati për regjistrim: 10 shkurt 2025 – 28 shkurt 2025 🖥 Përzgjedhja e lëndëve: Pas regjistrimit, përzgjidhni lëndët përkatëse në sistemin tonë online: https://sems.uni-pr.edu

Universiteti i Prishtinës ka vazhduar ngritjen në renditjen që platforma e njohur „Webometrics” u bën universiteteve nga mbarë bota. Në renditjen e janarit 2025, të publikuar të hënën e 27 janarit, universiteti më i madh, më i vjetër dhe më i suksesshëm i Kosovës e përtej, ndodhet në vendin e 2540-të. Përparimi i Universitetit të Prishtinës në këtë platformë është edhe më i madh gjatë një viti — nga janari në janar. Në fillim të vitit 2024, UP-ja ndodhej në pozitën e 2884-rt.